অসমৰ বড়ো লোকসকলৰ মাজত খ্ৰীষ্টিয়ান মিছনেৰীসকলে ধৰ্ম প্ৰচাৰৰ মাজেৰে শৈক্ষিক,ভাষিক তথা সাংস্কৃতিক আদি দিশত বিভিন্ন অৱদান আগবঢ়াই গৈছে।মৌখিক পৰম্পৰাগত বড়ো ভাষা সাহিত্যক মিছনেৰীসকলে পোনপ্ৰথমে লিখিত ৰূপ প্ৰদান কৰে।মিছনেৰীসকলে বড়ো ভাষাৰ ব্যাকৰণ ৰচনা অভিধান প্ৰণয়ন আৰু বড়ো সমাজত প্ৰচলিত লোকসাহিত্যৰ সংগ্ৰহ তথা প্ৰকাশৰ যোগেদি বড়ো ভাষাক লিখিত ৰূপত প্ৰতিষ্ঠা কৰে।বড়ো ভাষাৰ প্ৰথমখন ব্যাকৰণ হ'ল ৰেভাৰেণ্ড চিডনি এণ্ডেলৰ "এন আউটলাইন গ্ৰামাৰ অৱ কছাৰী লেংগুৱেজ"। এই ব্যাকৰণখনৰ যোগেদিয়েই বড়ো ভাষাই লিখিত ৰূপ লাভ কৰে।বড়ো সাহিত্যৰ সংগ্ৰহ তথা প্ৰকাশৰ বাবে আগবাঢ়ি অহা প্ৰথমগৰাকী খ্ৰীষ্টিয়ান মিছনেৰী হ'ল জে বি এণ্ডাৰছন।বড়ো লোকসাহিত্যলৈ খ্ৰীষ্টিয়ান মিছনেৰীসকলে আগবঢ়োৱা আন এটা লেখত লবলগীয়া অৱদান হ'ল ৰেভাৰেণ্ড চিডনি এণ্ডেলৰ ১৯১১ চনত প্ৰকাশ হোৱা "দ্য কছাৰী"।ঐতিহাস দিশৰ পৰা তেওঁৰ এই গ্ৰন্থখনৰ বিশেষ মূল্য আছে কাৰণ গ্ৰন্থখনৰ মূল বিষয়বস্তু হৈছে বড়ো জাতিৰ ইতিহাস। ইয়াৰ লগতে খ্ৰীষ্টিয়ান মিছনেৰীসকলৰ প্ৰচেষ্টাত প্ৰথমখন পঢ়াশালীয় "কছাৰী ৰিডাৰ" বড়ো ভাষাত প্ৰণয়ন হয়।এনেদৰেই বড়ো লোকসাহিত্যলৈ খ্ৰীষ্টিয়ান মিছনেৰীসকলে এক মূল অৱদান আগবঢ়াই গৈছে।
দ্ৰিতীপ বৰ্মন
তৃতীয় ষান্মাসিক
যোগাযোগ আৰু সাংবাদিকতা বিভাগ
No comments:
Post a Comment