পৰম বীৰ চক্ৰ বঁটা বিজয়ী কেপ্তেইন বিক্ৰম বাত্ৰাৰ জীৱন আৰু ১৯৯৯ চনৰ কাৰ্গিল যুদ্ধৰ সময়ত তেওঁৰ বীৰত্বৰ আধাৰত নিৰ্মাণ কৰা “শ্বেৰশ্বাহ” ছবিখনে দেশপ্ৰেমৰ বলিদান, আৰু শৌৰ্য্যৰ আন্তৰিক ছবি জনসাধাৰণৰ মাজত প্ৰতিফলিত কৰিছে॥
সিদ্ধাৰ্থ মালহোত্ৰাই “বিক্ৰম বত্ৰা “আৰু তেওঁৰ যমজ ভাতৃ “বিশালৰ” দ্বৈত চৰিত্ৰত প্ৰামাণ্যতা আৰু মনোমোহাতা কঢ়িয়াই আনি নিজৰ কেৰিয়াৰৰ শ্ৰেষ্ঠ অভিনয় আগবঢ়াইছে। তেওঁৰ চিত্ৰণত বাত্ৰাৰ সাহস আৰু আকৰ্ষণীয় ব্যক্তিত্ব আৰু কিয়াৰা আদৱানীয়ে ডিম্পল চিমাৰ চৰিত্ৰত কাহিনীটোত আৱেগিক গভীৰতা প্ৰকাশ কৰিছে।সিদ্ধাৰ্থৰ সৈতে কিয়াৰাৰ যি ভালপোৱা সেই ভালপোৱাই বহুতকে অনুপ্ৰেৰণা যোগাইছে।
বিষ্ণুবৰ্ধনৰ পৰিচালনাই যুদ্ধৰ ক্ৰম আৰু কেপ্তেইন বাত্ৰাৰ ব্যক্তিগত জীৱনৰ মাজত ভাৰসাম্য ৰক্ষা কৰা দেখা যায়।সন্দীপ শ্ৰীবাস্তৱৰ চিত্ৰনাট্যত বাত্ৰাৰ জীৱনৰ গুৰুত্বপূৰ্ণ মুহূৰ্তসমূহ খুউব সুন্দৰভাবে প্ৰদৰ্শন কৰা দেখা গৈছে।য’ত তেওঁ এখন সৰু চহৰৰ এজন সাধাৰণ লৰাৰ পৰা এজন জাতীয় নায়কলৈ যাএা খুবেই প্ৰশংসনীয়॥
কাৰ্গিলৰ যুদ্ধৰ ক্ৰমবোৰ বাস্তৱিক আৰু তীব্ৰ হোৱাৰ বাবে এই চিনেমাখনে দৰ্শকক বহুত বেছি আকৰ্ষিত কৰিছিল।কাৰ্গিলৰ চিনেমাটোগ্ৰাফাৰ কমলজীত নেগীয়ে কাৰ্গিলৰ ঠেক ভূখণ্ডক সুন্দৰকৈ বন্দী কৰি ছবিখনৰ দৃশ্যগত আকৰ্ষণ বৃদ্ধি কৰিছে।
"ৰাতা লম্বিয়ান" আৰু "ৰাণঝা” ৰ দৰে গীতবোৰে দৰ্শকক আৱেগিক কৰি তুলিছিল।
“শ্বেৰশ্বাহ”হৈছে এজন জাতীয় নায়কৰ প্ৰতি এক আকৰ্ষণীয় শ্ৰদ্ধাঞ্জলি, একচন, আৱেগ, আৰু দেশপ্ৰেমৰ মিশ্ৰণ। ইয়াৰ মন চুই যোৱা কাহিনী আৰু শক্তিশালী অভিনয়ৰ বাবে বিশেষকৈ সাহস আৰু দেশপ্ৰেম দেখি বহুত দৰ্শক ইয়াৰ পৰা অনুপ্ৰাণিত হোৱা দেখা গৈছে॥
নিশিতা বৰা
যোগাযোগ আৰু সাংবাদিকতা বিভাগৰ প্ৰথম সান্মাষিকৰ ছাএী
No comments:
Post a Comment